تداول فيديو لسيدة “تخطف طفلة” داخل ميكروباص

تداول رواد مواقع التواصل الاجتماعي فيديو قامت طفلة – 18 عامًا – بتصويره لكي تسرد من خلاله موقف حدث لها داخل المواصلات العامة، وذلك بعد رؤيتها لطفلة تبكي بسبب معاملة سيدة لها بطريقة غير مقبولة، قبل أن تسألها الطفلة عن صلة القرابة التي تجمعها بالفتاة الأخرى، لتفر هاربة بطريقة أثارت قلق الطفلة نور.

وتقول نور الشمس خلال سردها للموقف عبر مواقع التواصل الاجتماعي: «يا جماعه انا من شوايه كنت ركبه في عربيه من المترو الجيزه والعربيه بتروح المريوطيه هرم تمام اول ما ركبت والبنت مش مبطله عياط و عماله تصوت جامد جدا والبنت عماله تقولها عايزه اروح البلد وبتقولها عايزه بابا محمود و البنت عماله تضرب ف الست».

وتابعت: «وللاسف العربيه اللي كنا ركبين فيها محدش فيهم عنده القدره انهم يسالوها بس انا لما اتكلمت بقولها انتي تقربيلها ايه قالتلي امها قولتلها امها وكده راحت بكل بجاحه وخوف قالت انتي ملكيش فيه وضربت البنت قلم وقاعده تخبط النت ف الشباك».

وأضافت: «و لما لقتني بصورها نزلت علطول عند اولاد رجب الفيديو ده متصور من شوايه ياريت اللي يشوف البنت ديه ف الجيزه يحاول يتحرك ويعرف هي مين الانها والله البنت حالها يصعب ع الكافر».

وواصلت السيدة حديثها: «انا طفله عندي 18 سنه واول مره اتحط ف الموقف ده وفضلت ازعق مع الست والست قالتلي انتي هتحققي معايا ومحدش كان واقف معايا اننا نوقف الست ديه وناخد منها البنت».

وأكملت حديثها: «كله كان ساكت وأنا بنت ف اكيد عايزه حد يكون واقف معايا وللاسف معرفتش اعمل حاجه غير اني اصور البنت لو حد اتعرف عليها من اهلها او حد شاف الست هي البنت يتصرف».

https://www.facebook.com/groups/617180879227006/permalink/974346280177129/